GSTPS : Our 37th Direct Meeting Announcement

 

அன்புள்ள GSTPS உறுப்பினர்களுக்கும், நண்பர்களுக்கும்,

 

வணக்கம்.  புதிய ஆண்டு உற்சாகத்துடன் பிறக்க இருக்கிறது.  இந்த ஆண்டு மட்டும் 12 நேரடிக்கூட்டங்களையும், 21  இணைய வழிக் கூட்டங்களையும் வெற்றிகரமாக நடத்தியிருக்கிறோம். நமது தளம், மின்னிதழ்,  யூடியூப் சானல், பேஸ்புக் என சாத்தியமான சமூக வலைத்தளங்களில் நம் செயல்பாடுகளையும் பொதுவெளியில் வெளியிட்டுவருகிறோம்

 

புதிய புதிய அறிவிப்புகளால் ஜி.எஸ்.டி துறையும், வருமான வரி  துறையும் நம் எல்லோரையும் எப்பொழுதுமே பரபரப்பாய் வைத்திருக்கிறது.  அப்டேட் செய்து கொள்ள கொஞ்சம் பின் தங்கினாலும்,  நம்மை பின்னுக்கு தள்ளிவிடும் என்பது தான் சமகால நிலைமை.

 

அறிவிப்புகள், வழக்குகள்  என எல்லா அப்டேட்டுகளையும் சொசைட்டிக்காக இயங்கும் இரண்டு வாட்சப் குழுக்களில் தொடர்ந்து பகிர்ந்து வருகிறோம்.  கூட்டங்கள் தொடர்ந்து நடத்துவதின் மூலம் வரும் மாற்றங்களை  உறுப்பினர்களுக்கு தெளிவுப்படுத்துகிறோம். குழுவில் கேள்விகள் எழுப்பும் பொழுது உடனே பதிலளிக்கிறோம்.

 

புதிய ஆண்டான 2025ல் இப்பொழுது அடியெடுத்து வைக்கிறோம்.  நாம் கடந்த ஆண்டுகளில் வெளியிட்டது போலவே,  *மாத காலண்டரையும்,  ஒரு அழகான டைரியையும் இந்த ஆண்டும் உறுப்பினர்களுக்காக பரிசாக அளிக்க இருக்கிறோம்.*

 

நமது சொசைட்டி சார்பாக  உறுப்பினர்களுக்கு மட்டுமில்லாமல், கூடுதலாக காலண்டர்களை பிரிண்ட் செய்து  சாத்தியமான அளவில் பல ஜி.எஸ்.டி அலுவலகங்களுக்கும் நிர்வாகிகள் வழியாக விநியோகித்துவிட்டோம்.

 

வருகிற (28/12/2024) சனிக்கிழமையன்று மதியம் 2.30 மணியளவில் நாம் வழக்கமாக நடத்தும் “இந்துஸ்தான் சேம்பரில்” நடக்க இருக்கும் நேரடி கூட்டத்தில்  தலைவர் செந்தமிழ்ச்செல்வன் அவர்கள் 55வது ஜி.எஸ்.டி கவுன்சில் பரிந்துரைத்த மாற்றங்களை நமக்காக தொகுத்து விளக்க இருக்கிறார். அனைத்து உறுப்பினர்களும் கலந்துகொள்ளுங்கள்.  உங்களுக்கான காலண்டர்களையும், டைரியையும் பெற்றுக்கொள்ளுங்கள்.

 

மற்றவை  நேரில் பேசிக்கொள்வோம். வாருங்கள்.

 

எல்லோருக்கும் (Advance) புத்தாண்டு வாழ்த்துகள்.

  

நன்றி.

 

-   -      GSTPS

 

பின்குறிப்பு :  நேரடிக் கூட்டம் GSTPS உறுப்பினர்களுக்காக நடத்திவருகிறோம்.   எங்களது சொசைட்டியின் செயல்பாடுகள் தெரிந்து, உறுப்பினராக விரும்பும் நபர்களும் கலந்துகொள்ளலாம்.