Thursday, October 22, 2026

ESI, PF Updates - Dr. M. Villiyappan, R. Muniasamy - GSTPS

 


அன்புள்ள உறுப்பினர்களுக்கு,

 

வணக்கம்.  வருகிற சனிக்கிழமை 24/10/2026 நேரடிக் கூட்டத்தில் பி.எப்., இ.எஸ்.ஐ, - அப்டேட் குறித்து சீனியர் Dr. வில்லியப்பன் அவர்களும், நானும் விளக்க இருக்கிறோம்.

 

புதிய தொழிலாளர் நலச்சட்டம் 2020ல் அறிமுகப்படுத்தினாலும், டிசம்பரில்  இருந்து அமுல்படுத்துகிறோம் என அறிவித்தார்கள்.  அதை  உடனே அமுல்படுத்துவதில் அவர்களிடம் சில குழப்பங்கள் இருந்தன. பிறகு ஜூனுக்கு பிறகு அமுல்படுத்துவதாக தெரிவித்தார்கள்.

 

கூடுதலாக, அந்தந்த மாநில அரசுகள் தங்கள் மாநில நிலைமைகளுக்கு ஏற்ப இதற்கு Draft முன்வைப்பார்கள் என தெரிவித்தார்கள்.  ஆனால் தமிழக அரசு அப்படி முன்வைக்கவில்லை.  புதிய தொழிலாளர் நலச்சட்ட அம்சங்களை அமுல்படுத்துவதில்,  அதிகாரிகள் மத்தியிலேயே குழப்பம் இருக்கிறது.  பழைய விதிகளையும், புதிய விதிகளையும் குழப்பி பதில் அளிக்கிறார்கள்.

 

உதாரணமாக, முன்பு இ.எஸ்.ஐ, பதிவு செய்வதற்கு குறைந்தப்பட்ச தொழிலாளர்கள் 10 பேர் இருக்கவேண்டும் என்பது விதி. புதிய தொழிலாளர் நலச்சட்டத்தின் படி, 10 பேருக்கு குறைவாக இருந்தாலே, விருப்பத்தின் அடிப்படையில் (Volundary basis) பதிவு எடுக்கமுடியும் என்பது விதி. ஆனால் ஒரு பிரைவேட் லிமிடெட் நிறுவனத்தில் 8 பேர் இருக்கிறார்கள். அதற்கு பதிவு செய்யாலாம் என உள்ளே நுழைந்தால்… பழைய விதிப்படி 10 இருக்கவேண்டும் என இ.எஸ்.ஐ தளம் சொல்கிறது.  புதிய சட்டத்திற்கேற்ப இன்னும் தளத்தின் அம்சங்களை மாற்றியமைக்கவில்லை.

 

நேற்று சீனியர் வில்லியப்பன் அவர்களிடம் பேசிய பொழுது,  ஒரு பி.எப். அதிகாரி, புதிய சட்டத்தை அமுல்படுத்தியதன் மூலம் பழைய சட்டங்கள் காலாவதியாகிவிட்டன. ஆகையால் பழைய சட்டத்தை பேசுவது தவறு. புதிய சட்டத்தைத் தான் அமுல்படுத்தவேண்டும் என கூறியுள்ளார்.

 

வில்லியப்பன் அவர்களும், நானும் எங்களது கிளைண்டுகளுக்கு புதிய தொழிலாளர் சட்டத்தை ஏற்கனவே அமுல்படுத்த துவங்கிவிட்டோம்.

 

நமது உறுப்பினர் திரு. சந்திரசேகர் தலைவரிடம் கேட்டுக்கொண்டதற்கிணங்க பி.எப்., இ.எஸ்.ஐ குறித்த அப்டேட் குறித்துப் பேச ஏற்பாடு செய்திருக்கிறார்கள்.

 

இது குறித்து தெளிவு வேண்டும் என நினைப்பவர்கள் கூட்டத்தில் அவசியம் கலந்துகொள்ளுங்கள்.

 

நன்றி.

          

- இரா. முனியசாமி,

ஜி.எஸ்.டி, வருமானவரி, இபிஎப், இ.எஸ்.ஐ, எல்.ஐ.சி ஆலோசகர்,

GSTPS உறுப்பினர்,

9551291721

தணிக்கை என்றால் பயப்பட வேண்டுமா? தயாராக இருக்க வேண்டுமா?

 


ஒரு வணிகரிடம், “உங்களுக்கு GST தணிக்கை அறிவிப்பு வந்திருக்கிறது” என்று சொன்னால் போதும். அடுத்த கேள்வி என்னவாக இருக்கும்?

 

“சார், இப்போது என்ன செய்வது?”

 

உண்மையில், தணிக்கை அறிவிப்பு வந்த பிறகுதான் அதைப் பற்றி யோசிக்க வேண்டுமா? ஆண்டு முழுவதும் நாம் செய்த கணக்குகளையும், தாக்கல் செய்த அறிக்கைகளையும், பராமரித்த ஆவணங்களையும் அவ்வப்போது சரிபார்த்திருந்தால், அந்த அறிவிப்பைப் பார்த்து ஏன் பதற்றப்பட வேண்டும்?

 

GST என்பது நம்பிக்கையின் அடிப்படையில் இயங்கும் ஒரு வரி அமைப்பு. வணிகர் தனது வரியைக் கணக்கிடுகிறார்; செலுத்துகிறார்; அறிக்கைகளையும் தாக்கல் செய்கிறார். *அந்தக் கணக்குகள் சரியாக இருக்கின்றனவா என்பதைச் சரிபார்க்கும் வாய்ப்புதான் தணிக்கை.*

 

முன்பெல்லாம் ஆண்டுக் கணக்குகளுடன் தணிக்கையாளரின் சான்றிதழும் தேவைப்பட்ட காலம் இருந்தது. இப்போது குறிப்பிட்ட வரம்புகளுக்கு உட்பட்ட ஆண்டுக் கணக்கு ஒப்பீட்டை வணிகரே சுயச்சான்றுடன் தாக்கல் செய்யும் நடைமுறை உள்ளது. ஆனால், அதற்காக வணிகரின் பொறுப்பு குறைந்துவிட்டது என்று நினைத்துவிடக் கூடாது. *மாறாக, கணக்குகளின் சரியான தன்மையை உறுதிப்படுத்த வேண்டிய பொறுப்பு இன்னும் முக்கியமானதாக மாறியிருக்கிறது.*

 

இங்கேதான் நம்முடைய பணி தொடங்குகிறது!

 

ஒரு வணிகருக்கு வரி செலுத்துவது மட்டுமே முக்கியம் என்று தோன்றலாம். ஆனால், அவருடைய கணக்குகள், விற்பனை விவரங்கள், கொள்முதல் பதிவுகள், ITC ஒப்பீடுகள், ஆண்டு அறிக்கைகள் ஆகியவற்றில் ஏதாவது முரண்பாடு இருந்தால், அதற்கான விளக்கத்தை அளிக்க வேண்டிய நேரம் வரலாம். அப்போது ஆவணங்களுடன் தயாராக இருப்பவருக்கும், அறிவிப்பு வந்த பிறகு ஆவணங்களைத் தேடுபவருக்கும் இடையே பெரிய வித்தியாசம் இருக்கும்.

 

 

துறைசார் தணிக்கை என்பது பெரிய நிறுவனங்களுக்கு மட்டுமே வரும் என்று நினைக்க வேண்டாம். சட்டப்படி அதிகாரம் பெற்ற அலுவலர்கள் மேற்கொள்ளும் தணிக்கைக்கு, வணிகர் சிறியவரா, பெரியவரா என்பது மட்டும் தீர்மானிக்கும் காரணியல்ல. எனவே, எந்த நேரத்திலும் தணிக்கையை எதிர்கொள்ளும் வகையில் நம்முடைய வாடிக்கையாளர்களின் கணக்குகளைத் தயாராக வைத்திருப்பது அவசியம்.

 

*அப்படியானால், GST தணிக்கையில் நாம் தெரிந்துகொள்ள வேண்டியவை என்னென்ன?*

 

ஆண்டுக் கணக்கு ஒப்பீடு என்றால் என்ன?

பிரிவு 65இன் கீழ் துறைசார் தணிக்கை எவ்வாறு நடைபெறுகிறது?

பிரிவு 66இன் கீழ் சிறப்புத் தணிக்கை எப்போது பரிந்துரைக்கப்படுகிறது?

சட்டத்தில் ஏற்பட்ட மாற்றங்கள் என்ன?

தணிக்கை அறிவிப்பு வந்தால் எவ்வாறு பதிலளிக்க வேண்டும்?

அதிகாரிகள் பொதுவாகக் கவனிக்கும் அம்சங்கள் எவை?

தணிக்கைக்கு முன்பே நாம் என்னென்ன முன்னேற்பாடுகளைச் செய்ய வேண்டும்?

 

*இவற்றுக்கான தெளிவான பதில்கள் நமக்குத் தேவை.*

 

இந்தத் தெளிவைப் பெறுவதற்கான ஓர் அரிய வாய்ப்பாக, நமது உறுப்பினர்களுக்காக “GST தணிக்கை” என்ற தலைப்பில் கூட்டம்  ஏற்பாடு செய்யப்பட்டுள்ளது.

 

கவிஞரும், வரி ஆலோசகருமான திரு. கைலாசமூர்த்தி அவர்கள் தமது அனுபவங்களின் அடிப்படையில் இத்தலைப்பை விளக்க உள்ளார்.

 

நாம் கற்றுக்கொள்வது ஒரு சட்டப் பிரிவைப் பற்றிய தகவல் மட்டுமல்ல; நம்மை நம்பி வரும் வாடிக்கையாளர்களுக்கு நெருக்கடியான நேரத்தில் சரியான வழிகாட்டுதலை வழங்குவதற்கான அறிவும்கூட!

 

*அன்பார்ந்த வரி ஆலோசக நண்பர்களே,*

 

தணிக்கை அறிவிப்பு வந்த பிறகு பதில்களைத் தேடுவதைவிட, அறிவிப்பு வருவதற்கு முன்பே தயாராக இருப்போம். நம்முடைய அறிவை வளர்த்துக்கொள்வோம்; நம்மை நம்பியிருக்கும் வணிகர்களின் நம்பிக்கையையும் காப்போம்.

 

இந்தச் சிறப்புரையில் அனைவரும் தவறாமல் கலந்துகொள்ளுங்கள். (உறுப்பினராகும் எண்ணம் கொண்ட…) அறிந்த வரி ஆலோசகர் நண்பர்களையும் அழைத்து வாருங்கள்.

 

கற்றுக்கொள்வோம்; தயாராக இருப்போம்; நம்பிக்கையுடன் செயல்படுவோம்!

 

-    - இரா. முனியசாமி,

ஜி.எஸ்.டி, வருமானவரி, இபிஎப், இ.எஸ்.ஐ, எல்.ஐ.சி ஆலோசகர்,

GSTPS உறுப்பினர்,

9551291721

Sunday, October 18, 2026

Taking the fear out of GST - Article - தமிழில்


 

·  ஜிஎஸ்டி பயத்தைப் போக்குதல் மற்றும் கைது அதிகாரத்தைக் குறைத்தல்:

 

·         ஜிஎஸ்டி சட்டத்தில் உள்ள கைது செய்யும் அதிகாரம் (power of arrest) சாதாரண மற்றும் நேர்மையான வணிகர்கள் மத்தியில் பெரும் அச்சத்தை ஏற்படுத்தியுள்ளதுடன், பல சிறு வணிகர்களை ஜிஎஸ்டியில் இணையாமல் தடுத்துள்ளது.

 

·         இந்த அச்சத்தைப் போக்குவதன் மூலம் சிறு வணிகர்கள் எந்தவிதப் பயமுமின்றி எளிதாகப் பதிவு செய்து, வணிகத்தை வளர்க்க முடியும் என்று கட்டுரையாளர்கள் (வி. அனந்த நாகேசுவரன் மற்றும் கே. பாலசுப்பிரமணியன்) குறிப்பிடுகின்றனர்.

 

·  வரி விகிதக் குறைப்பு மற்றும் வருவாய் வளர்ச்சி:

 

·         ஒரு வருடத்திற்கு முன்பு ஜிஎஸ்டி கவுன்சில் வரி விகிதங்களைக் குறைத்து, இரண்டு முக்கிய விகிதங்களைக் கொண்ட எளிமையான கட்டமைப்பிற்கு மாறியது.

 

·         குறைந்த வரி விகிதங்கள் பொருளாதார நடவடிக்கைகளை ஜிஎஸ்டி வலைக்குள் கொண்டு வரும் என்றும், பரந்த வரி அடிப்படை காலப்போக்கில் அரசு வருவாயை ஆதரிக்கும் என்றும் எதிர்பார்க்கப்பட்டது.

 

·         செப்டம்பர் 2025-க்குப் பிந்தைய தரவுகள் இதனை உறுதிப்படுத்துகின்றன; 2026 H1-ல் ஜிஎஸ்டி வசூல் 11.6% வளர்ச்சியடைந்துள்ளது மற்றும் அக்டோபர் 2025 முதல் ஆகஸ்ட் 2026 வரையிலான சராசரி மாதாந்திர வசூல் 25.6% அதிகரித்துள்ளது.

 

·  தொழில்நுட்பப் பயன்பாடு மற்றும் போலி ITC (உள்ளீட்டு வரி வரவு) தடுப்பு:

 

·         இந்தியா தற்போது 2017-ல் இருந்ததை விடச் சிறந்த தொழில்நுட்பக் கட்டமைப்பைக் கொண்டுள்ளது. விற்பனையாளர் தாக்கல் செய்யும் இன்வாய்ஸ்களை, வாங்குபவர் கோரும் கிரெடிட்டுடன் (ITC) ஒப்பிட்டுப் பார்க்க முடியும். இ-இன்வாய்ஸ்கள் மற்றும் இ-வே பில்கள் மூலம் பொருட்களின் நடமாட்டத்தைக் கண்காணிக்க முடிகிறது.

 

·         நுகர்வோருக்கான விற்பனையில் (B2C) முறைகேடுகளைத் தடுக்க, 2027 ஏப்ரல் மாதத்திற்குள் B2C பரிவர்த்தனைகளுக்கும் இ-இன்வாய்ஸ் முறையைத் கொண்டுவரத் திட்டமிடப்பட்டுள்ளது.

 

·  மத்தியமயமாக்கப்பட்ட மற்றும் முகப்பில்லாத நிர்வாகம் (Centralised & Faceless Administration):

 

·         மத்திய அரசு (GoI) பல அதிகார வரம்புகளில் பரவியுள்ள CGST நிர்வாகத்தை ஒரு மத்தியமயமாக்கப்பட்ட, முகப்பில்லாத (faceless) தளமாக மாற்றும்.

 

·         எடுத்துக்காட்டாக, பல மாநிலங்களில் கிளைகளைக் கொண்ட ஒரு நடுத்தர நிறுவனம், தற்போது 5 வெவ்வேறு ஆணையர்களைச் சந்திக்க வேண்டியுள்ளது; ஆனால் புதிய முறையில் ஒவ்வொரு பிரச்சினையும் தனித்தனி அலுவலகங்களால் விசாரிக்கப்படுவதற்குப் பதிலாக ஒரே முறையில் விசாரிக்கப்படும்.

 

·  ITC விதிகளில் மாற்றங்கள் மற்றும் மூலதனச் செலவு (Working Capital):


·         ITC விதிகளில் செய்யப்பட்டுள்ள குறிப்பிடத்தக்க மாற்றங்கள் பல நிறுவனங்களுக்கு, குறிப்பாக தலைகீழான வரி அமைப்பு (inverted duty structure) மற்றும் ஏற்றுமதி செய்யும் நிறுவனங்களுக்கு, அவர்களின் செயல்பாட்டு மூலதனத்தை (working capital) விடுவிக்க உதவும். மூலதனப் பொருட்கள் மீதான ITC-ஐ அனுமதிக்க எடுக்கும் முடிவு முதலீட்டையும் ஊக்குவிக்கும்.

 

·  நம்பகத்தன்மை அடிப்படையிலான நிர்வாகம்:

 

·         வரி அலுவலகத்திற்குப் பயப்படாத ஒரு வணிகர் தனது முழு விற்பனையையும் பதிவு செய்து, அமைப்பிற்குள் வளர்வதற்கான வாய்ப்புகள் அதிகம். முறைகேடுகள் நடந்தால் மட்டுமே கடுமையான நடவடிக்கைகள் எடுக்கப்படும்; நேர்மையான வரி செலுத்துவோருக்கு எவ்விதமான தேவையற்ற தொல்லையும் இருக்காது.

 

தமிழில் : இரா. முனியசாமி, GSTPS உறுப்பினர்