நமது சொசைட்டியின் நேரடிக் கூட்டம் 26/04/2025 அன்று சிறப்பாக நடைபெற்றது.
தமிழ்த்தாய்
வாழ்த்துடன் இனிதே துவங்கியது. திரு. சிவக்குமார் அனைவரையும் வரவேற்றார். தணிக்கையாளர் இராஜேஷ் கண்ணா அவர்கள் தான் தொழில்
வாழ்வில் கற்ற விசயங்களை நமது உறுப்பினர்களுக்கு
கற்றுக்கொடுக்கலாம் என அவராகவே முன்வந்து பேசுவதாக தெரிவித்தார். இப்படி முன்வந்து பேசுவது ஒரு நல்ல துவக்கம்.
வழக்கமாக
நாம் தாக்கல் செய்வதில் என்னென்ன தவறுகளை செய்கிறோம். வருமான வரியில் இருந்து எதை எதையெல்லாம்
கவனித்து நோட்டிஸ்களை அனுப்புகிறார்கள். எப்படி அவற்றையெல்லாம் தவிர்ப்பது என ஒவ்வொரு
தலைப்பு வாரியாகவும் விரிவாகவும் விளக்கினார்.
இடையிடையே உறுப்பினர்கள் எழுப்பிய கேள்விகளுக்கும், பதிலளித்தார். அருமையான வகுப்பு. கலந்துகொள்ளாதவர்களுக்கு பெரிய
இழப்பு தான்.
வெளியே வெவ்வேறு
அமைப்புகளில் இதே போல வகுப்புகள் நடைபெறுகின்றன. ஏதாவது சந்தேகம் கேட்டால், அலுவலகத்திற்கு
தனியாக வரவழைத்து அதற்கு கட்டணம் வாங்குகிற வழக்கத்தை சிலர் வைத்திருக்கிறார்கள். நம்முடைய சொசைட்டியில் தான் எல்லா விசயங்களையும் தெளிவாக கற்றுத்தருகிறோம் என
வலியுறுத்தி சொன்னார்.
இடைவேளையில்
இனிப்பு, சமோசா, சுவையான உளுந்தவடை, சூடான காபியும் உறுப்பினர்களுக்கு வழங்கப்பட்டது.
சமீபத்தில்
நம்மோடு இணைந்த புதிய உறுப்பினர்களான திரு. ஜெயப்பிரகாஷ், வண்ணாரப்பேட்டை, திரு. செல்வவிநாயகம்,
வடபழனி, திரு. ஹரிகிருஷ்ணன் தங்களை சுய அறிமுகம் செய்துகொண்டார்கள். புதிய உறுப்பினராக திரு. கோமதி அவர்களை நமது உறுப்பினர்
முரளி அறிமுகப்படுத்தினார்.
இரண்டாவது
தலைப்பாக… டாலி பயிற்சியாளர் திரு. வேலாயுதம் அவர்கள் டாலியின் புதிய வெர்சன் 6.0 ல்
உள்ள புதிய அம்சங்களான, டாலி வழியாக எளிதாக போர்ட்டலில் தாக்கல் செய்யும் வசதியும்,
வங்கி கணக்குகளை எளிதாக சரிப்பார்க்கும் வசதியை கொடுத்திருப்பதாக தெரிவித்தார். இடையிடையே உறுப்பினர்கள் கேட்ட கேள்விகளுக்கும்
தெளிவாக பதிலளித்தார். அவரை ஏற்பாடு செய்த நமது உறுப்பினர் சண்முகவேல் அவர்களுக்கு
நன்றி.
நமது சொசைட்டி
மாணவர்களுக்காக ஜி.எஸ்.டி வகுப்பு எடுப்பதற்கான ஒரு பாடத்திட்டத்தை உருவாக்கியிருக்கிறோம்.
அதை மே மூன்றாவது வாரத்தில் அமுல்படுத்த இருப்பதையும் தலைவர் தெரிவித்தார். அதைத் தொடர்ந்து
ஜி.எஸ்.டி ரிட்டன்களை தாக்குதல் செய்வது குறித்தும் டெமோ (demo) காண்பிக்கவும் திட்டம்
இருக்கிறது. மாணவர்கள் என்பதால், ஒருநாளைக்கு
ரூ. 100 என பத்து நாட்களுக்கு ரூ. 1000 என முடிவு செய்துள்ளோம் என தெரிவித்தார்.
ஒவ்வொரு வருடமும்
ஆண்டுவிழாவை ஒட்டி ஜூன் மாதத்தில் ஒருநாள் பயணமாக நாம் ரிசார்ட்டுக்கு போவது வழக்கம்.
இந்தமுறையும் அதற்காக திட்டமிட்டு வருகிறோம்.
வழக்கமாக காலையில் போய் மாலை திரும்புவோம். இந்த முறை ஒரு மாற்றமாக மதியம் போல போய் சேர்ந்து
அடுத்த நாள் மதியம் அங்கிருந்து கிளம்பி வருவதாக யோசித்து வருகிறோம் என்றார். உறுப்பினர்கள்
பலர் அப்படியே செய்யலாம் என ஏற்பு தெரிவித்தனர்.
இன்று கூட்டம்
நடத்திய புதிய இடம், சிறப்பான வசதிகளோடு இருந்தது. வண்டிகளை நிறுத்துவதற்கும் நல்ல வசதி இருந்தது என
உறுப்பினர்கள் தெரிவித்தனர். உறுப்பினர்களும்
வழக்கத்தை விட அதிகமானவர்கள் இன்று கலந்துகொண்டார்கள்.
திரு. செல்வராஜ்
அவர்கள் நன்றி தெரிவித்தார். கூட்டம் இனிதே
நிறைவேறியது.
நன்றி.
- GSTPS
தொடர்பு கொள்ள : 095000 41971, 098412 26856
தளம் : https://gstprofessionalssociety.blogspot.com
மின்னஞ்சல் : gstpschennai@gmail.com
யூடியூப் : https://www.youtube.com/@gstprofessionalssociety6987
No comments:
Post a Comment