GST சட்டத்தின் கீழ் உள்ள Rule 86A என்பது, உள்ளீட்டு வரி கடன் (Input Tax Credit – ITC) தவறாக பெறப்பட்டிருக்கலாம் என்ற தீவிர சந்தேக சூழ்நிலையில் (Serious Suspicion), மின்னணு கடன் பதிவேட்டில் (Electronic Credit Ledger) உள்ள ITC-யை தற்காலிகமாக பயன்படுத்த முடியாதபடி (Temporary Restriction) கட்டுப்படுத்த வரித்துறைக்கு வழங்கப்பட்ட ஒரு விதியாகும். இது வழக்கமான தணிக்கை (Adjudication) அல்லது காரணம் காண் நோட்டீஸ் (Show Cause Notice – SCN) நடைமுறைக்கு மாற்றாக அல்ல; மாறாக, அவசரமான வருவாய் பாதுகாப்பு நடவடிக்கை (Revenue Protection Measure) ஆக மட்டுமே வடிவமைக்கப்பட்டுள்ளது.
இந்த விதி வெளிப்படையாக அதிகாரம் வழங்குவது போல தோன்றினாலும், உண்மையில் அதற்குள் பல உள்ளமைக்கப்பட்ட பாதுகாப்புகள் (In-built Safeguards) உள்ளன. அவை, Rule 86A-ஐ தன்னிச்சையான (Arbitrary) அல்லது ஒருதலைப்பட்ச (Unilateral) நடவடிக்கையாக பயன்படுத்த முடியாதபடி கட்டுப்படுத்துகின்றன.
Rule 86A பயன்படுத்தப்பட வேண்டுமெனில், அதிகாரம் கொண்ட அதிகாரி, ITC மோசடி (Fraud), போலி invoice (Fake Invoice), வழங்கல் இல்லாத பரிவர்த்தனை (Supply Without Actual Supply), அல்லது சட்டவிரோதமாகப் பெறப்பட்ட கடன் (Wrongful Availment of ITC) எனும் காரணங்களில் ஏதேனும் ஒன்றின் அடிப்படையில், நியாயமான நம்பிக்கை (Reason to Believe) உருவாக்கியிருக்க வேண்டும். இந்த நம்பிக்கை, வெறும் சந்தேகத்தின் அடிப்படையில் அல்ல; ஆவண ஆதாரங்களால் (Documentary Evidence) உறுதிப்படுத்தப்பட்டதாக இருக்க வேண்டும்.
மேலும், Rule 86A கீழ் எடுக்கப்படும் நடவடிக்கை, எழுத்துப்பூர்வ காரணங்களுடன் (Reasoned Decision / Speaking Order) பதிவு செய்யப்பட வேண்டும். காரணம் குறிப்பிடப்படாத அல்லது பொதுவான சொற்களால் மேற்கொள்ளப்படும் ITC தடைகள், சட்ட ரீதியாக நிலைக்க முடியாது (Legally Unsustainable). இதன் மூலம், அதிகாரியின் நடவடிக்கை நீதிமன்ற ஆய்விற்கு (Judicial Review) உட்படக்கூடியதாகிறது.
Rule 86A கீழ் விதிக்கப்படும் ITC பயன்பாட்டு தடை, நிரந்தர தண்டனையாக (Permanent Restriction) கருத முடியாது. அந்தத் தடை, அதிகபட்சமாக ஒரு ஆண்டு காலம் (Maximum One Year) மட்டுமே நடைமுறையில் இருக்க முடியும். அந்த காலத்திற்குள், வரித்துறை பிரிவு 73 அல்லது பிரிவு 74 (Section 73 / Section 74) கீழ் உரிய சட்ட நடைமுறைகளை பின்பற்றி, SCN வழங்கி, விசாரணை நடத்தி, தணிக்கை உத்தரவு (Adjudication Order) வழங்க வேண்டும். ஒரு ஆண்டு முடிந்த பின்னரும் எந்த உத்தரவும் இல்லையெனில், Rule 86A தடையைத் தொடர முடியாது.
Rule 86A-இன் முக்கியமான பாதுகாப்பு அம்சம் என்னவெனில், இது Section 73 / 74 கீழ் நடைபெறும் முழுமையான தணிக்கைக்கு (Regular Adjudication) மாற்றாக பயன்படுத்த முடியாது. இது ஒரு இடைக்கால நடவடிக்கை (Interim Measure) மட்டுமே. இறுதியாக வரி (Tax), வட்டி (Interest) அல்லது அபராதம் (Penalty) விதிக்க வேண்டுமெனில், முழுமையான due process of law—அதாவது SCN, விளக்கம் பெறுதல், தனிப்பட்ட கேள்வி-பதில் வாய்ப்பு (Personal Hearing) மற்றும் தணிக்கை உத்தரவு—கட்டாயம் மேற்கொள்ளப்பட வேண்டும்.
மேலும், Rule 86A கீழ் எடுக்கப்படும் எந்த நடவடிக்கையும் உயர்நீதிமன்ற கண்காணிப்பிற்கு (Writ Jurisdiction / Judicial Scrutiny) உட்பட்டதாகும். நடவடிக்கை அளவுக்கு மீறியதாக (Disproportionate) அல்லது காரணமற்றதாக (Without Proper Reasons) இருந்தால், நீதிமன்றம் அதை ரத்து (Set Aside / Quash) செய்ய அதிகாரம் பெற்றுள்ளது. இதுவே Rule 86A-ஐ கட்டுப்படுத்தும் ஒரு முக்கியமான பாதுகாப்பாகும்.
இந்த விதி வருவாய் பாதுகாப்பை நோக்கமாகக் கொண்டிருந்தாலும், இயற்கை நீதி கோட்பாடுகள் (Principles of Natural Justice) முற்றிலும் புறக்கணிக்கப்படவில்லை. முழுமையான விசாரணை பின்னர் மட்டுமே இறுதி முடிவு எடுக்கப்பட வேண்டும் என்பதே Rule 86A-இன் அடிப்படை நோக்கம். ஆகவே, இது “விரைவான வசூல் விதி (Fast Recovery Tool)” அல்ல; “தற்காலிக தடுப்பு நடவடிக்கை (Preventive Interim Measure)” மட்டுமே.
இறுதியாக… GST Rule 86A என்பது வரித்துறைக்கு கட்டுப்பாடற்ற அதிகாரம் (Unfettered Power) வழங்கும் விதி அல்ல. ITC தவறாக பயன்படுத்தப்பட்டிருக்கலாம் என்ற அவசர சூழ்நிலையில், தற்காலிக தடையை விதிக்க அனுமதிக்கும் ஒரு இடைக்கால சட்ட நடைமுறை (Interim Statutory Mechanism) மட்டுமே இது. காரணம் பதிவு செய்தல், கால வரம்பு, தணிக்கை நடைமுறை கட்டாயம், மற்றும் நீதிமன்ற கண்காணிப்பு போன்ற உள்ளமைக்கப்பட்ட பாதுகாப்புகள் (In-built Safeguards) காரணமாக, Rule 86A இயற்கை நீதி மற்றும் சட்டத்தின் எல்லைகளுக்குள் கட்டுப்படுத்தப்பட்ட விதியாகவே செயல்படுகிறது.
— தமிழில்
விக்கி.சீ,
GSTPS உறுப்பினர்
Source :
https://www.jurishour.in/columns/rule-86a-in-built-safeguards/
No comments:
Post a Comment