எசென்ஷலிசம் என்றால்? - ஒரு வரிஆலோசகருக்கு எப்படி பொருந்தும்?

 

இன்றைய தொழில்முறை உலகில், குறிப்பாக வரி ஆலோசகர்கள் போன்ற துறைகளில் செயல்படும் நிபுணர்களுக்கு, “வேலை அதிகம் – நேரம் குறைவு” என்பது வழக்கமான நிலையாகிவிட்டது.

 

சட்ட மாற்றங்கள், வாடிக்கையாளர்களின் அவசர கோரிக்கைகள், காலக்கெடு அழுத்தம், நிர்வாகப் பொறுப்புகள் ஆகியவற்றின் நடுவில், எந்த வேலை முக்கியம்? எதை தவிர்க்கலாம்? என்ற கேள்வி பெரும்பாலும் தெளிவின்றி போகும் நிலையாகிவிடுகிறது.

 

இந்த சூழலில், எசென்ஷலிசம் என்ற சிந்தனை முறை ஒரு புத்தகத்தின் கருத்தைத் தாண்டி, தொழில்முறை வாழ்வை சீரமைக்கும் என்பதை நாம் அறிந்துகொள்வது அவசியமாகிறது.

 

எசென்ஷலிசம் என்ற சிந்தனை

 

“அனைத்தையும் செய்ய வேண்டும்” என்ற அழுத்தத்திலிருந்து விலகி, “உண்மையில் மதிப்புள்ள சிலவற்றை மட்டுமே தேர்ந்தெடுத்து, அதில் முழு திறனை செலுத்துவது” என்ற ஒழுங்குமுறை அணுகுமுறை என புரிந்துகொள்ளலாம்.

 

இது சோம்பேறித்தனம் என்பதாக புரிந்துகொள்ள வேண்டியதில்லை. மாறாக, கட்டுப்பாடு, தெளிவு, முன்னுரிமை ஆகியவற்றின் ஒற்றுமை.

 

வரி ஆலோசகர்களின் நிதர்சனம்

 

வரி ஆலோசகர்கள் எதிர்கொள்ளும் சில நிலைகளை கவனிக்கலாம்:

• ஒவ்வொரு வாடிக்கையாளரின் வேலைகளும் “அவசரம்” என்று கருதப்படுவது
• சட்ட மாற்றங்கள் உடனடியாகப் புரிந்து செயல்படுத்த வேண்டிய அவசியம்
• பல்வேறு துறைகள் – வருமானவரி, ஜி.எஸ்.டி, பி.எப், ஈ.எஸ்.ஐ – அனைத்திலும் ஈடுபாடு
• ஒரே நேரத்தில் பல கோப்புகள், பல கடைசிநாட்கள்

 

இந்த சூழலில், எல்லாவற்றையும் ஒரே அளவில் கவனிக்க முயல்வது, திறனை சிதறடிக்கும் முக்கிய காரணமாகிறது.

 

முக்கிய சிக்கல் – முன்னுரிமை இல்லாமை

 

பல நேரங்களில் பிரச்சினை வேலை அதிகம் இருப்பதல்ல;
👉 “முக்கியம் – முக்கியமல்ல” என்ற பிரிவு இல்லாததே பிரச்சினை.

 

இதனால்:

• நேரம் போதவில்லை.
• தரம் குறைகிறது
• மன அழுத்தம் அதிகரிக்கிறது

 

எசென்ஷலிசத்தின் மூன்று அடுக்குகள்

 

1. ஆராய்தல் (Explore)

 

எல்லா வேலைகளையும் உடனடியாக ஏற்காமல், அவற்றின் உண்மையான மதிப்பை ஆராய்வது.

 

வரி ஆலோசகர் பார்வையில்:

• எந்த வாடிக்கையாளர்கள் நீண்டகால மதிப்பை தருகிறார்கள்?
• எந்த சேவைகள் நிபுணத்துவத்தை உயர்த்துகின்றன?

 

2. நீக்குதல் (Eliminate)

 

முக்கியமற்ற பணிகளை தெளிவாகத் தவிர்ப்பது.

இதில்:

• தேவையற்ற சந்திப்புகளை குறைத்தல்
• பல முறை திரும்ப திரும்ப செய்ய வேண்வரும் சிறிய வேலைகளை தன்னியக்க (Automatation)  முறைக்கு மாற்றுதல்
• “இல்லை” என்று சொல்லும் திறனை வளர்த்தல்

 

3. நடைமுறைப்படுத்தல் (Execute)

 

தேர்வு செய்த முக்கிய பணிகளை எளிமையாகவும், தொடர்ச்சியாகவும் செய்வது.

வரி ஆலோசகர்களுக்கு:

• கால அட்டவணை அடிப்படையிலான வேலை அமைப்பு
• ஒவ்வொரு பணிக்கும் முன் நிர்ணயிக்கப்பட்ட நடைமுறை
• குழுவில் பொறுப்புப் பகிர்வு

 

 “இல்லை” என்ற சொல்லின் மதிப்பு

 

தொழில்முறையில் அதிகம் தவிர்க்கப்படும் ஒரு சொல் – “இல்லை”.

ஆனால், ஒவ்வொரு “ஆம்” என்பதற்கும் பின்னால், பல முக்கிய வாய்ப்புகள் இழக்கப்படுகின்றன. சரியான இடத்தில் “இல்லை” சொல்லுதல் என்பது:

• வாடிக்கையாளரை நிராகரிப்பது அல்ல
• தரத்தை பாதுகாப்பது

 

தரம் vs அளவு

 

அனைத்து வாடிக்கையாளர்களையும் சேவை செய்வதை விட, சில வாடிக்கையாளர்களுக்கு உயர்ந்த தரத்தில் சேவை வழங்குவது நீண்டகாலத்தில் நிலைத்த வளர்ச்சியை உருவாக்கும்.

 

இது:

• நம்பிக்கை அதிகரிக்கும்
• பரிந்துரைகள் உயரும்
• தொழில்முறை மதிப்பு நிலைபெறும்

 

நடைமுறை மாற்றங்கள்

 

வரி ஆலோசகர்கள் உடனடியாக செயல்படுத்தக்கூடிய சில வழிமுறைகள்:

• தினசரி வேலை பட்டியலில் 3 முக்கிய பணிகள் மட்டும் தேர்வு
• ஒரே நேரத்தில் ஒரு வேலைக்கு முழு கவனம்
• வாராந்திரமாக வாடிக்கையாளர் பட்டியலை மதிப்பீடு செய்தல்
• அடிக்கடி செய்யப்படும் பணிகளை ஒரே மாதிரியாக அமைத்தல்
• அவசரமல்லாத கோரிக்கைகளுக்கு நேர எல்லை நிர்ணயம்

 

சிந்தனை மாற்றம்

 

எசென்ஷலிசம் ஒரு கருவி அல்ல; இது ஒரு சிந்தனை மாற்றம். “எப்படி அதிகம் செய்யலாம்?” என்ற கேள்வியிலிருந்து

👉 “எது உண்மையில் செய்யப்பட வேண்டும்?” என்ற கேள்விக்கு மாற்றுகிறது.

 

கிரெக் மெக்யூன் கூறுகிறார்: “தேர்வு செய்யாத வாழ்க்கை, பிறர் நிர்ணயித்த பாதையில் செல்லத் தள்ளப்படுகிறது.”

 

இறுதியாக...

 

வரி ஆலோசகர்களின் தொழில்முறை வெற்றி, அவர்கள் எவ்வளவு வேலை செய்கிறார்கள் என்பதில் இல்லை; அவர்கள் எதை தேர்வு செய்து செய்கிறார்கள் என்பதில் உள்ளது.

 

எசென்ஷலிசம் கற்றுக்கொடுப்பது, வேலை குறைப்பதல்ல; மாறாக,
முக்கியமானவற்றிற்கு இடம் கொடுப்பதற்காக, முக்கியம் அற்றதை துணிச்சலுடன் விலக்குவது.

 

அந்த ஒழுங்கை உருவாக்கும் போது, அழுத்தம் குறைந்து, தரம் உயர்ந்து, தொழில்முறை வாழ்க்கை தெளிவான பாதையில் நகரும்.

 

-              இரா. முனியசாமி

ஜி.எஸ்.டி, வருமானவரி, இபிஎப், இ.எஸ்.ஐ ஆலோசகர்,

GSTPS உறுப்பினர்

📞 95512 91721