GST வரி ஆலோசகரின் பங்கு — ஒரு அடிப்படை மாற்றத்தின் காலம்

 

 நேற்றைய நேரடிக் கூட்டம் சிறப்பாக நடைபெற்றது. ஆனால் வழக்கத்தை விட கொஞ்சம் குறைவாக நபர்களே வந்திருந்தார்கள்.

 

ஜி.எஸ்.டி நடைமுறையும், செயல்பாடுகள், கண்காணிப்பு முறையும் என்பது மெல்ல மெல்ல விரைவாக மாறி வருகிறது. ஆனால் அதன் வேகத்திற்கு நாம் மாறுகிறோமோ என கேள்வி எழுகிறது.

 

இனி அப்டேட் முறையாக  செய்து கொள்கிறவர்கள், மாற்றத்தை விரைவாக உள்வாங்கிக் கொண்டு, தன்னை மாற்றிக்கொள்பவர்களுக்கு தான்  இனி எதிர்காலம் என்ற நிலைக்கு  நாம் தள்ளப்படுகிறோம்.

 

இந்த கட்டுரை கொஞ்சம் நீளம் தான். ஆனால் இது தான் எதார்த்தம். ஆகையால் படியுங்கள்.

*****

 

ஒரு காலத்தில் GST தொடர்பான தொழில்முறைப் பணிகள் என்றால், பலரின் நினைவில் வந்தது ரிட்டன்களை தாக்கல் செய்தல், பணம் செலுத்துதல் மற்றும் அடிப்படை இணக்கப்பாடு (Compliance) பணிகளே.

வாடிக்கையாளர்கள் பலரும் “காலக்கெடுவுக்குள் தாக்கல் செய்து தருபவர்” என்ற அளவிலேயே ஜி.எஸ்.டி ஆலோசகர்களைப் பார்த்தனர்.  ஆனால் இன்று அந்த நிலை முற்றிலும் மாறியுள்ளது.

 

GST சட்டம் வளர்ந்த விதமும், துறையின் தொழில்நுட்ப மாற்றங்களும், தணிக்கை முறைகளின் தீவிரமாவதும், தரவு பகுப்பாய்வு (Data Analytics) அடிப்படையிலான கண்காணிப்பு அதிகரித்திருப்பதும் — GST Professionals இன் பங்கை ஒரு புதிய உயரத்திற்கு கொண்டு சென்றுள்ளது.

 

இப்போது அவர்கள் வெறும் தாக்கல் செய்பவர்கள் அல்ல; ஒரு நிறுவனத்தின் வரி பாதுகாப்பை வடிவமைக்கும் ஆலோசகர்களாக மாறிக்கொண்டிருக்கிறார்கள்.

 

Return Filing இலிருந்து Risk Management வரை

 

முன்னர் ஒரு தவறு நடந்தாலும், அதை திருத்திக் கொள்ளும் இடைவெளி அதிகமாக இருந்தது. இன்று GST அமைப்பு முழுவதும் Data-Driven Environment ஆக மாறிவிட்டது.

 

GSTR-1, GSTR-3B, E-Way Bill, E-Invoice, TDS, ICEGATE Data, Income Tax Turnover Data — இவை அனைத்தும் ஒன்றோடொன்று இணைக்கப்பட்டிருக்கின்றன.

 

இதனால் ஒரு சிறிய முரண்பாடே கூட எதிர்காலத்தில்:

• Notice,
• ITC Block,
• Refund Delay,
• Investigation,
• Audit Risk

போன்ற பல பிரச்சினைகளுக்கு வழிவகுக்கிறது.

 

அதனால் இன்று ஒரு திறமையான GST Professional என்பவர், “Return தாக்கல் செய்துவிட்டோம்” என்று நிறுத்திக்கொள்ள முடியாது.

 

அவர்கள் கேட்க வேண்டிய கேள்விகள் மாறிவிட்டன:

• இந்த Input Tax Credit பாதுகாப்பானதா?
• Vendor உண்மையில் ரிட்டன் தாக்கல் செய்கிறாரா?
• ERP Mapping சரியாக உள்ளதா?
• இந்த Transaction எதிர்காலத்தில் Litigation Risk உருவாக்குமா?
• துறை இந்த மாதிரிப் பரிவர்த்தனைகளை எப்படி பார்க்கிறது?
• இந்த Business Model-க்கு ஏற்ற GST Strategy என்ன?

இந்த மாற்றம்தான் தொழிலின் மையத்தையே மாற்றியுள்ளது.

 

ERP Tax Configuration — கணக்கில் தவறு அல்ல, அமைப்பில் தவறு

 

இன்றைய நிறுவனங்களில் பல தவறுகள் மனிதர்களால் அல்ல; Software Configuration காரணமாக ஏற்படுகின்றன.

 

ஒரு HSN தவறாக Mapping செய்யப்பட்டாலோ, Place of Supply தவறாக அமைக்கப்பட்டாலோ,
Tax Code தவறாக இணைக்கப்பட்டாலோ — ஆயிரக்கணக்கான பில்கள் பாதிக்கப்படலாம்.

 

அதனால் GST Professional இன் பங்கு இன்று Accounting Entries பார்க்கும் நிலையைத் தாண்டி, ERP Systems-ஐ புரிந்துகொள்ளும் நிலைக்கு சென்றுள்ளது.

 

SAP, Oracle, Tally, Zoho, Microsoft Dynamics போன்ற அமைப்புகளில் Tax Logic எப்படி இயங்குகிறது என்பதைப் புரிந்துகொள்ளாமல், எதிர்கால GST நடைமுறை நீண்ட காலம் நிலைத்திருக்க முடியாது.

 

ஏனெனில் இன்று: “தவறை திருத்துவது” விட, “தவறு உருவாகாத அமைப்பை உருவாக்குவது” அதிக மதிப்பு பெறுகிறது.

 

Vendor Risk Analysis — ITC காலத்தின் புதிய அவசியம்

 

முன்னர் வாங்கிய பில் இருந்தால் ITC எடுத்துக்கொள்ளலாம் என்ற அணுகுமுறை அதிகமாக இருந்தது. ஆனால் இன்று Vendor Compliance என்பது மிக முக்கியமான பரிசோதனைக் காரணி.  Vendor ரிட்டன் தாக்கல் செய்கிறாரா? வரி செலுத்துகிறாரா? Suspicious Dealer ஆக குறிக்கப்பட்டுள்ளாரா? அவர் சீராக தாக்கல் செய்யும் வழக்கம் உள்ளதா?

 

இவற்றை ஆய்வு செய்யாமல் ITC Claim செய்வது, பல நிறுவனங்களுக்கு மிகப்பெரிய அபாயத்தை உருவாக்கியுள்ளது.

 

இதனால் GST Professionals இன்று:

• Vendor Screening,
• Compliance Rating,
• Risk Categorisation,
• Continuous Monitoring

போன்ற பணிகளிலும் ஈடுபட வேண்டியிருக்கிறது. அதாவது, GST Practice இன்று “வரி” மட்டுமல்ல; “வணிக பாதுகாப்பு” சார்ந்த பணியாகவும் மாறியுள்ளது.

 

Litigation Management — சட்ட வாசிப்பின் அவசியம்

 

GST துறையில் Notices மற்றும் Litigation அதிகரித்து வரும் நிலையில், சட்ட விளக்கத் திறன் மிக அவசியமாகியுள்ளது. ஒரு Notice-க்கு Reply Drafting செய்வது என்பது வெறும் பதில் எழுதுவது அல்ல.

அதில்:

• Facts Presentation,
• Legal Interpretation,
• Judicial Precedents,
• Departmental Circulars,
• Documentation Strategy

எல்லாமே முக்கியம்.

 

ஒரு தவறான பதில், பல வருட Litigation-க்கு காரணமாகலாம். ஒரு சரியான பதில், ஆரம்ப நிலையிலேயே பிரச்சினையை முடிக்கவும் உதவலாம்.

 

இதனால் எதிர்கால GST Professionals:

• சட்டத்தை வாசிப்பவர்கள்,
• தீர்ப்புகளை பகுப்பாய்வு செய்வவர்கள்,
• Departmental Trends புரிந்துகொள்ளுபவர்கள்

ஆக மாற வேண்டியிருக்கிறது.

 

Staff Training மற்றும் Internal Controls — புதிய ஆலோசனை துறை

 

பல GST பிரச்சினைகள் வரித்துறையில் அல்ல; நிறுவனத்தின் உள் செயல்முறைகளில்தான் ஆரம்பமாகின்றன.

 

• Accounts Team தவறான பதிவு,
• Dispatch Team தவறான இவேபில்,
• Purchase Team Vendor Verification இல்லாமல் Procurement,
• Sales Team Documentation தவறு

இவை அனைத்தும் பின்னர் GST Risk ஆக மாறுகின்றன.

 

இதனால் GST Professionals இன்று Training மற்றும் Process Design பணிகளிலும் முக்கிய பங்காற்ற வேண்டியிருக்கிறது.  ஒரு நல்ல GST வரி ஆலோசகர் என்பவர்:  “பிரச்சினை வந்தபின் சரிசெய்பவர்” அல்ல; “பிரச்சினை வராத அமைப்பை உருவாக்க உதவுபவர்.”

 

Technology + Law + Analytics — மூன்றின் இணைவு

 

எதிர்கால GST Practice-ல் வெற்றி பெறுபவர்கள்:

• சட்டத்தை மட்டும் அறிந்தவர்கள் அல்ல,
• Software-ஐ மட்டும் அறிந்தவர்கள் அல்ல,
• Data-ஐ மட்டும் பார்க்கிறவர்களும் அல்ல.

இந்த மூன்றையும் இணைத்து பார்க்கும் Professionals.

 

அதாவது:

• Legal Interpretation,
• Technology Understanding,
• Data Analytics,
• Communication Skill,
• Strategic Thinking

இவற்றின் ஒருங்கிணைப்பே எதிர்கால தொழில்முறை மதிப்பை நிர்ணயிக்கும்.

 

*மனிதர்களை மாற்றுவது AI அல்ல; மாற்றத்தை ஏற்காத மனநிலையே*

 

பலர் இன்னும் GST Practice-ஐ “Return Filing Work” என்ற பார்வையில் மட்டும் பார்க்கிறார்கள். ஆனால் Automation முதலில் மாற்றப்போகும் பகுதி அதுவே.

 

Simple Compliance Work மெதுவாக Software மற்றும் AI மூலம் செய்யப்படும். ஆனால் கீழ்க்கண்ட திறன்கள் தொடர்ந்து மதிப்பு பெறும்:

 

• Judgment,
• Interpretation,
• Risk Evaluation,
• Negotiation,
• Strategic Advisory,
• Human Communication.

அதனால் எதிர்காலத்தில் நிலைத்திருப்பவர்கள்:

“வேகமாக தாக்கல் செய்பவர்கள்” அல்ல; “வாடிக்கையாளரின் அபாயத்தை முன்கூட்டியே புரிந்து வழிகாட்டுபவர்கள்.”

 

*இறுதியாக..*

 

GST Professionals இன் எதிர்காலம் குறைந்து கொண்டிருக்கவில்லை; மாறாக, அதன் பொறுப்பும் மதிப்பும் உயர்ந்து கொண்டிருக்கிறது. ஆனால் அந்த உயரம், பழைய பணிமுறைகளில் தொடர்வோருக்கு கிடைக்காது.

 

தொடர்ந்து கற்றுக்கொள்ளுபவர்கள்,
தொழில்நுட்பத்தை புரிந்துகொள்ளுபவர்கள்,
சட்டத்தை ஆழமாக வாசிப்பவர்கள்,
வணிகத்தின் மொழியைப் புரிந்துகொள்ளுபவர்கள் —

அவர்கள்தான் அடுத்த தலைமுறை GST Practice-ஐ வழிநடத்தப்போகிறார்கள்.

- இரா. முனியசாமி,

ஜி.எஸ்.டி, வருமானவரி, இபிஎப், இ.எஸ்.ஐ ஆலோசகர்,

GSTPS உறுப்பினர்,

9551291721